Ən adi romantika

Toyunu təxirə salan Cehun keçmiş nişanlısını unuda bilmir. O, hər axşam spirtli içkilərə qurşanaraq keçmiş sevgilisinə cavabsız mesajlar göndərməyə davam edir. Həmin vaxt onun çalışdığı ofisə yeni işçi gəlir. Son-yon adlı bu qadın da yenicə sevgilisindən ayrılıb və onun hamının gözü qarşısında etdiyi evlilik təklifini qəbul etməyib.

Səhərlərin birində Cehun gecə Son-yon ilə iki saat telefonda danışdığını öyrənir. Utanc hissi keçirən gənc dərhal həmkarından üzr istəmək qərarına gəlir. Bu gözlənilməz söhbət onların arasında qəribə bir bağ yaradır və həmkarlar hər axşam vaxtlarını birlikdə keçirməyə başlayırlar.

«Gajang botongui yeonae» filmi 2019-cu ildə Cənubi Koreyada istehsal olunub. Rejissor Kim Han-qyolun çəkdiyi bu komediya və melodramada baş rolları Kim Re-von, Qon Hyo-cin, Kan Gi-yon və Con Un-in canlandırıb.