O xanım kim idi?

Kolumbiya Universitetində kimya müəllimi işləyən Davidin ailə həyatı qəfil təhlükə altına düşür. Həyat yoldaşı Enn onu tələbə qızla öpüşərkən yaxalayır və bu xəyanəti bağışlamaq niyyətində deyil. Evliliyini qorumağa çalışan David vəziyyətdən çıxış yolu axtarmağa başlayır.

Kömək televiziyada ssenarist işləyən dostu Maykldan gəlir. Yaradıcı təxəyyülə malik dostu ona qeyri-adi bir bəraət uydurmağı təklif edir. Mayklın planına əsasən, David arvadına əslində FTB-nin gizli agenti olduğunu və baş verənlərin sadəcə xidməti tapşırıq sayıldığını söyləməlidir.

ABŞ istehsalı olan «Who Was That Lady?» kinokomediyası 1960-cı ildə rejissor Corc Sidni tərəfindən çəkilib. Filmdə əsas rolları Toni Körtis, Din Martin, Canet Li və Ceyms Uitmor canlandırıblar.