Yolki-palki!..

«Yolki-palki!..» komediyasının qəhrəmanı zahirən adi bir insan təsiri bağışlasa da, həmyerliləri onu bir qədər qəribə hesab edirlər. O, bütün vaxtını əbədi mühərrik ixtirasına və fəlsəfi traktat yazmağa həsr edir. Öz uca xəyallarına dalan bu adam ətrafdakıların gündəlik qayğılarına bir qədər yuxarıdan aşağı baxır.

Böyük ideyalar ardınca qaçan ixtiraçı dərhal yanında baş verən hadisələri gözdən qaçırır. Ulduzlara baxaraq dünya sirlərini anlamağa çalışarkən öz şəxsi və sadə xoşbəxtliyini vaxtında görə bilmir.

1988-ci ildə SSRİ-də istehsal olunmuş bu filmin quruluşçu rejissoru Sergey Nikonenko həm də baş rolu canlandırıb. Ekran əsərində digər rolları Yekaterina Voronina, Qalina Polskix və Leonid Kuravlyov ifa ediblər.