Mən, yenə mən və İren

Patrul polisi Çarli son dərəcə xeyirxah, həlim və köməksevər bir insandır. Lakin daxili gərginlik və kənar təzyiqlər onda şəxsiyyət ikiləşməsinə səbəb olur. Hər dəfə kimsə onun sərhədlərini aşanda Hank peyda olur. Hank isə Çarlinin tam əksidir: kobud, söyüşcül, aqressiv və spirtli içkilərə meyilli biridir.

Hankın gözlənilməz vaxtlarda ortaya çıxması Çarlinin həyatını əsl çıxılmaz vəziyyətə salır. Lakin bir məsələdə bu iki ziddiyyətli xarakter eyni fikrə gəlir: onların hər ikisi İren adlı qıza aşiq olur. İndi şıltaq gözəlin bu iki şəxsiyyətdən hansına üstünlük verəcəyi böyük bir sual altındadır.

«Me, Myself & Irene» komediya filmi 2000-ci ildə ABŞ-da Bobbi Farrelli və Piter Farrelli tərəfindən çəkilib. Ekran əsərində əsas rolları Cim Kerri, Rene Zellveqer, Entoni Anderson və Monqo Braunli canlandırıblar.