Volpone

«Volpone» komediyası XV əsr Neapolunda baş verən hadisələrdən bəhs edir. Şəhərin varlı taciri Volpone ətrafındakılara zarafat etmək qərarına gələrək özünü ölümcül xəstə kimi qələmə verir. O bildirir ki, can verən vaxtı ona ən yaxşı qulluq göstərən şəxs bütün mirasına sahib çıxacaq.

Uydurma xəstənin çarpayısı başına dərhal var-dövlət həvəskarları toplaşır: mahud taciri Bertuçço, sələmçi Seko və notarius Qrappione. Mirası ələ keçirmək istəyən bu adamlar yarınmaq və yaltaqlıq etməkdə bir-birini üstələməyə çalışırlar. Rəqiblərini aldatmağa cəhd göstərən iddiaçılar əslində özlərinin aldadıldığının fərqinə belə varmırlar.

Fransa istehsalı olan bu filmi 2002-ci ildə rejissor Frederik Obyurten çəkib. Baş rolları Jerar Depardye, Daniel Prevo, Jerar Jünyo və Rober İrş ifa ediblər.