Comme des frères

Yaxın rəfiqələri Şarlinin dəfnindən sonra Maksim, Eli və Boris adlı üç kişi onun yazdığı açıqcanı tapırlar. Şəkildə Korsikadakı ev təsvir olunub və qız onların mütləq ora yollanmasını vəsiyyət edib. Bir-birinə heç bənzəməyən və fərqli yaşlarda olan bu adamları yalnız Şarliyə olan münasibət birləşdirir.

Onlar işlərini, sevgililərini və bütün təxirəsalınmaz qayğılarını kənara qoyaraq rəfiqələrinin son arzusunu yerinə yetirməyə qərar verirlər. Korsikaya səfər boyu yol yoldaşları Şarlinin onların taleyindəki yerini və onları məhz nəyin bir araya gətirdiyini anlamağa çalışırlar.

«Comme des frères» fransız komediya filmi 2012-ci ildə rejissor Hüqo Jelen tərəfindən çəkilib. Baş rolları Fransua-Ksavye Demezon, Nikolya Düvoşel, Pyer Nine və Melani Tyerri canlandırıblar.