Dum Laga Ke Haisha

Maddi sıxıntılar ucbatından Prem Prakaş Tivari sevmədiyi bir qadınla evlənmək məcburiyyətində qalır. Onun həyat yoldaşı ləzzətli yeməkləri sevən, kök bir qadındır. Gənc oğlan verdiyi bu qərara görə hər gün peşmançılıq çəkir və bəyənmədiyi arvadından yaxa qurtarmağın yollarını axtarır.

Elə bu ərəfədə şəhərdə ər-arvadlar arasında sevgini sübut edən ənənəvi qaçış yarışı elan olunur. Bu maraqlı müsabiqə ər və arvadın bir-birinə olan sədaqətini nümayiş etdirmək üçün keçirilir. Prem və xanımı da bu sınaq qarşısında qalırlar.

2015-ci ildə Hindistanda çəkilmiş «Dum Laga Ke Haisha» filminin rejissoru Şarat Katariyadır. Komediya və melodrama janrında olan filmin əsas rollarını Bxumi Pednekar, Ayuşmann Xurrana, Sancay Mişra və Şiba Çadxa canlandırıblar.