Bədənləri dəyişək

Ailə üzvlərinin bir-birini anlamadığı, ər-arvadın və uşaqların daimi narazılıq yaşadığı bir evdə hər kəs qarşı tərəfin yerində olmağı arzulayır. «Le sens de la famille» filmində bu istək gözlənilmədən gerçəyə çevrilir. Qəhrəmanların hamısı eyni vaxtda bir-birinin bədəninə keçərək bütün vərdişlərini itirirlər.

Evdəki qarışıqlıqdan hətta nənə də kənarda qalmır və o da bu qəribə dəyişikliyin bir hissəsi olur. Yaşından və ailədəki rolundan asılı olmayaraq, hər kəs başqasının həyatını idarə etməyə, gündəlik işləri yeni bədəndə görməyə məcbur qalır. Əvvəlki vəziyyəti bərpa etmək üçün bu çaşqın ailə ilk növbədə həmrəy olmağı öyrənməlidir.

Fransa istehsalı olan bu komediya və melodramı rejissor Jan-Patrik Benes 2020-ci ildə çəkib. Əsas rolları Frank Dübosk, Aleksandra Lami, Kristiana Mille və Rouz de Kervenoael canlandırıblar.