Əsəblər gərilib

Yazıçı Teyn bütün gününü dörd divar arasında keçirir və ətrafındakı hər şeydən narazı qalır. Hər xırda detal onun əsəblərini tarıma çəkir, qəhrəmanın fasiləsiz şikayətləri isə özünü daha da gərgin vəziyyətə salır. Hər şeydən yorulan Teyn öz daxili qəzəbi ilə baş-başa qalır.

Tezliklə vəziyyət daha da qəribələşir, çünki onun qarşısına sirli bir yad adam çıxmağa başlayır. Bu naməlum şəxs israrla saat səkkizi işarə edərək eyni vaxtı xatırladır. Dəqiq saat səkkiz tamam olanda isə Teynin arxasınca o biri dünyadan olan qeyri-adi bir qonaq təşrif buyurur.

ABŞ istehsalı olan «High Strung» komediya filmi 1992-ci ildə çəkilib. Ekran əsərinin rejissoru Rocer Nayqarddır, baş rolları isə Stiv Odekerk, Tomas F. Vilson, Deniz Krosbi və Fred Uillard canlandırıb.