2 kişi, 2 qadın – 4 problem!?

Fəal və enerjili Eva uğursuz rəssam olan əri Luisə, həmçinin oğlu Floran və qızı Rozaya təkbaşına baxaraq ailəni dolandırır. Yorucu məişət qayğıları ilə mübarizə aparan qadın təsadüfən ərinin gizli planından xəbər tutur. Məlum olur ki, Luis incəsənət layihələrinə rəhbərlik edən cazibədar bankir Şarlotta ilə bir neçə gün keçirmək üçün Venesiyaya yola düşür.

«2 kişi, 2 qadın – 4 problem!?» komediyasının qəhrəmanı vəziyyətlə barışmaq fikrində deyil: o, Şarlottanın tanınmış vəkil olan əri Niki qaçıraraq uşaqları ilə birgə həmin şəhərə yollanır. Bu səfər qəhrəmanların həyatını tamamilə dəyişir. Luis və Şarlotta tezliklə aralarındakı bağın qopduğunu hiss etdiyi halda, heç vaxt uşaq sevməyən Nik balacalarla möhkəm dostluq qurur, Eva isə sənət və musiqi sahəsindəki dərin bilikləri ilə diqqət çəkir.

1998-ci ildə çəkilmiş Almaniya istehsalı olan ekran əsərinin rejissoru Vivian Nefedir. Əsas rolları Hayno Ferx, Aqlaya Şişkovits, Qedeon Burkhard və Hilde Van Miqhem canlandırıblar.