Atamın qonaqları

Ömrü boyu insan hüquqları uğrunda mübarizə aparan Lüsien Pomel qanunsuz mühacirlərə öz mənzilində sığınacaq verməyə qərar verir. Qohumları onun bu təşəbbüsünü əvvəlcə adi qarşılayırlar, çünki qocanın prinsiplərinə çoxdan bələddirlər. Lakin qapıda balaca qızcığaz Sorina və onun Moldovadan gəlmiş iyirmi səkkiz yaşlı cazibədar anası Tatyana peyda olanda vəziyyət tamam dəyişir.

Lüsien ailəsinə Tatyana ilə rəsmi nikaha girdiyini elan etdikdə qohumların təəccübü daha da böyüyür. Yetkin övladlar Arno və Babetta atalarının bu gözlənilməz addımı ilə üzləşməli, evə daxil olan yeni qonaqlarla yaranan qarışıqlığı yoluna qoymağa çalışmalıdırlar.

«Atamın qonaqları» (Les invités de mon père) adlı 2010-cu il Fransa istehsalı komediya filminin rejissoru Ann Le Nidir. Əsas obrazları Fabris Lukini, Karin Viyar, Mişel Omon və Flore Babled canlandırıblar.