Kasablankada bir gecə

Sadəlövh və bir qədər səliqəsiz Kornblou «Kasablanka» mehmanxanasına yeni idarəçi təyin olunur. O, bu vəzifəyə gələn əvvəlki bütün rəhbərlərin qəribə şəraitdə həyatını itirdiyindən xəbərsizdir. Əslində isə nasistlər müharibə başa çatdıqdan sonra geri götürmək məqsədilə öz xəzinələrini məhz bu oteldə gizlədiblər.

Otelə yeni bir idarəçinin gəldiyini görən cinayətkarlar ondan da qurtulmaq üçün hiyləgər plan qururlar. Onlar meneceri tələyə salmaq üçün cazibədar bir qadından istifadə etmək qərarına gəlirlər. Lakin gözlənilməz təsadüflər zənciri bu planın gedişatını tamamilə alt-üst edir.

1946-cı il istehsalı olan «Kasablankada bir gecə» komediya filminin rejissoru Arçi Mayodur. ABŞ istehsalı ekran əsərində əsas rolları Qrauço Marks, Harpo Marks, Çiko Marks və Çarlz Dreyk canlandırıb.