Dupleks

Aleks və Nensi cütlüyü sakit bir məhəllədə xəyallarındakı ikimərtəbəli geniş mənzili alaraq rahat həyat qurmaq istəyir. Lakin evin yuxarı qatında oradan çıxmaq fikrində olmayan yaşlı bir qadın yaşayır. Gənclər qonşunun ahıl yaşına görə tezliklə dünyasını dəyişəcəyini düşünsələr də, qadının enerjisi onların bütün planlarını alt-üst edir.

Qocanın tükənməz fəallığı təzə evlənənlərin günlərini əsl kabusa çevirir. Yaşadıqları daimi səs-küy və narahatlıq Alekslə Nensini dəlilik həddinə çatdırır. Çıxış yolu tapmaqda çətinlik çəkən cütlük bu problemi kökündən həll etmək üçün təhlükəli planlar qurmağa başlayır.

«Dupleks» komediya filminin rejissoru Denni DeVitodur. ABŞ və Almaniya istehsalı olan layihə 2003-cü ildə təqdim olunub və baş rolları Ben Stiller, Dryu Berrimor, Aylin Essel və Harvi Fayerstin canlandırıb.