İki həftəlik bildiriş

Harvard məzunu olan hüquqşünas Lüsi Kelson nüfuzlu Corc Ueydin şirkətində baş məsləhətçi vəzifəsində çalışır. İri biznes sahibi olan müdir onsuz heç bir addım atmır və savadlı hüquqşünasa işçidən çox dayə kimi yanaşır. Bir il davam edən bu yorucu münasibətlərdən təngə gələn Lüsi nəhayət istefa vermək qərarına gəlir.

Corc köməkçisini buraxmağa razılaşsa da, onun qarşısında konkret bir şərt qoyur. Lüsi şirkətdən ayrılmazdan əvvəl öz yerinə eyni dərəcədə bacarıqlı və etibarlı bir mütəxəssis tapmalıdır. Qəhrəman öz azadlığını qazanmaq üçün tələb olunan namizədin axtarışına başlayır.

«İki həftəlik bildiriş» filmi 2002-ci ildə ABŞ və Avstraliya tərəfindən birgə çəkilib. Romantik komediyanın rejissoru Mark Lourensdir. Əsas obrazları Sandra Bullok, Hyu Qrant, Alisiya Uitt və Dena Ayvi canlandırıblar.