Johan

Ailə başçısı olan Conan aktyorluqdan qazandığı cüzi məbləğləri evinə aparmaq əvəzinə qumara xərcləyir. Onun iki böyük arzusu var: tanınmış kino ulduzuna çevrilmək və birdəfəlik böyük var-dövlət əldə etmək. Lakin bu vaxta qədər nə məşhurluq qazanıb, nə də bəxti gətirib.

Növbəti dəfə həddindən artıq böyük risk edən baş qəhrəman hər şeyi uduzur və ağır vəziyyətə düşür. Borcların altında qalan aktyor çıxış yolu kimi cinayətkarlarla razılaşmaya gedir. O, oğurlanmış qızılların gizlədildiyi yeri axtaran quldurlara kömək etməyə məcbur olur.

Qazaxıstan istehsalı olan bu komediya filmi 2022-ci ildə çəkilib. Ekran əsərinin rejissoru Anvar Matjanovdur, baş rolları isə Jahan Utarqaliyev, Sabira Jaraskızı, Yerken Qubaşev və Qulim Serik ifa ediblər.