Gecə ziyafətlərinin kralı

Van Uaylder artıq altı ildir ki, kollecdə təhsil alır və məzun olmaq fikrindən çox uzaqdır. Bu vəziyyət onun bacarıqsızlığından yox, qayğısız tələbə həyatını həddindən artıq çox sevməsindən irəli gəlir. O, gənclik əyləncələrindən və kampus ab-havasından ayrılmaq istəmir.

Lakin atası oğlunun bu bitmək bilməyən dərslərini maliyyələşdirməkdən imtina etdikdə hər şey dəyişir. İndi qəhrəmanın qarşısında cəmi iki yol qalır: ya növbəti təhsil ilinin pulunu özü qazanmalı, ya da nəhayət təhsilini başa vurub diplom almalıdır.

2002-ci ildə çəkilmiş «Gecə ziyafətlərinin kralı» komediya filmi ABŞ və Almaniya istehsalıdır. Ekran əsərinin rejissoru Uolt Bekerdir, baş rolları isə Rayan Reynolds, Tara Rid, Tim Metison və Kel Penn canlandırıb.