Mənim nişanlım kimi davran

Varlı ailənin ərköyün oğlu vaxtını ancaq cah-cəlal içində keçirməyə və valideynlərindən davamlı pul qoparmağa öyrəşib. Lakin atası ilə anasının səbri tükənəndə və cinayətkarlar köhnə borcları tələb etməyə başlayanda vəziyyət qəfil dəyişir. Xilas yolu axtaran gənc qondarma toy mərasimi uydurur və qohumlarını xərcləri ödəməyə razı salmaq qərarına gəlir.

Köhnə sevgililərinin heç biri bu oyunda yer almaq istəmir. Çıxılmaz vəziyyətdə qalan oğlan təsadüfən qarşısına çıxan taksi sürücüsü qadına saxta nişanlı rolunu oynamağı təklif edir. Heç bir kompleks tanımayan, lakin bir çox zərərli vərdişləri olan bu xanım zəngin ailənin qarşısına gələcək gəlin kimi çıxmağa razılaşır.

«L'heureuse élue» adlı fransız komediya filmini rejissor Frank Bellok ərsəyə gətirib. 2024-cü ildə təqdim edilən layihənin baş rollarında Kamill Leluş, Lionel Erdoqan, Mişel Larok və Jerar Darmon çəkiliblər.