Fırıldaqçılar

Əsl ingilis xanımı Sara ilə texaslı Qordon Murun evliliyi uğurlu ortaq təsərrüfat üzərində qurulub. Onların birlikdə idarə etdiyi mal-qara rançosu böyük gəlir gətirir. Həyat yoldaşı ilə hava limanında sağollaşıb Nyu-Yorka uçan Sara onu nələrin gözlədiyindən xəbərsizdir.

Qordonun həyatında başqa bir qadın peyda olub və o, rəsmi şəkildə boşanmaq qərarına gəlib. Bu gözlənilməz xəbər Saranın bütün planlarını alt-üst edir və tərəflər arasında məhkəmə sənədlərinin çatdırılması ilə bağlı gülməli mübarizə başlayır.

«Serving Sara» («Fırıldaqçılar») filmi 2002-ci ildə rejissor Recinald Hadlin tərəfindən çəkilib. ABŞ və Almaniya istehsalı olan bu komediyada baş rolları Metyu Perri, Elizabet Hörli, Vinsent Pastore və Brüs Kempbell canlandırıb.