Las delicias del jardín

Yaşlı abstraksionist rəssam Fermin ciddi sınaqlarla üzləşir: cibində pulu qalmır, evini itirir və üstəlik əlləri əsməyə başlayır. Çıxış yolu tapmayan qoca sənətkar uğurlu dostunun emalatxana kimi istifadə etdiyi qarajına sığınır. Çox keçmədən Hindistandakı uzun səfərdən qayıdan rəssam oğlu Pablo da onun yanına köçür.

Sənətə və həyata fərqli baxışları olan ata ilə oğulun eyni dam altında yaşaması gündəlik mübahisələrə səbəb olur. Ailənin bu çətin vəziyyətdən qurtulması üçün Ferminin keçmiş həyat yoldaşı bir təklif irəli sürür: İeronim Bosxun məşhur «Dünyəvi həzzlər bağı» tablosunun müəllif versiyasını hazırlamaq üzrə böyük mükafatlı müsabiqədə iştirak etmək. Yoxsulluqdan xilas olmaq üçün ata və oğul aralarındakı inciklikləri kənara qoyub birgə işləməyə məcburdur.

2025-ci il istehsalı olan «Las delicias del jardín» komediyasının rejissoru Fernando Kolomodur. İspaniya istehsalı ekran əsərində baş rolları Antonio Resines, Luis Bermexo, Karmen Maçi və Karolina Verd canlandırıblar.