ABBA: Film

Məşhur İsveç musiqi qrupu Avstraliyada genişmiqyaslı qastrol səfərinə çıxır və minlərlə pərəstişkarını bir araya toplayır. Bu ərəfədə yerli radioda çalışan təcrübəsiz bir jurnalist redaksiyadan qrup üzvləri ilə eksklüziv müsahibə almaq tapşırığı əldə edir.

Müxbir sənətçilərin ardınca şəhərbəşəhər dolaşaraq onlara yaxınlaşmağa cəhd göstərir. Qoruma xidməti, konsertlərin sıx qrafiki və gözlənilməz anlaşılmazlıqlar hər addımda onun işini çətinləşdirir. Nəticədə müsahibə arxasınca qaçış bütün Avstraliya turu boyunca davam edən komik hadisələrə çevrilir.

İsveç və Avstraliya istehsalı olan «ABBA: The Movie» adlı musiqili bədii-sənədli film 1977-ci ildə ekranlara çıxıb. Ekran əsərinin quruluşçu rejissoru Lasse Hallström, rollarda isə Anni-Frid Lünqstad, Brüs Berri, Rey Marşall və Getti Kaspers yer alıb.