Bəy Raca

Beşulduzlu otel sahibi Singxaniyanın biznesi gözlənilməz rəqiblə üzləşir: gənc Raca onun dəbdəbəli məkanının yaxınlığında kiçik bir yeməkxana açır. Varlı sahibkar ilə sadə küçə satıcısı arasında dərhal kəskin mübahisə yaranır. Singxaniyanın qızı Kiran isə atasının qadağasına etiraz olaraq vəziyyəti daha da qəlizləşdirir: sevgilisi Rahul ilə görüşməsinə icazə verilməyən qız inad göstərərək Raca ilə yaxınlaşmağa başlayır.

Əslində var-dövlət hərisi olan Rahul qızı qaçıraraq atasından külli miqdarda fidyə tələb edir. Beləliklə, yaranmış qarışıqlıqdan çıxış yolunu tapmaq və qızı xilas etmək Racanın öhdəsinə düşür. Gənc oğlan bu çətin sınaqdan özünəməxsus hazırcavablığı və gülüşü sayəsində çıxmağa çalışır.

Hindistan istehsalı olan «Dulhe Raja» komediya filmi 1998-ci ildə rejissor Harmeş Malxotra tərəfindən lentə alınıb. Baş rolları Qovinda, Conni Lever, Aşrani və Dineş Xinqu canlandırıblar.