Neapoldan sevgilərlə

Balaca Çiro çoxsaylı xalaları, əmiləri və yaxın qonşuları olan böyük Neapol ailəsində böyüyür. Doğmalarının həddindən artıq qayğısı və anasının nəzarəti uşağı yormağa başlayır. Məktəb psixoloqu Tommazo Çiroya kömək etmək qərarına gəlir və onun problemlərinin səbəbini anlamağa çalışır.

Məlum olur ki, oğlanın narahatlığının əsl səbəbi səs-küylü qohumlar deyil, sinif yoldaşına bəslədiyi ilk məhəbbətdir. Beləliklə, Tommazo ilə Çiro öz aralarında gizli bir razılaşma əldə edirlər. Psixoloq uşağa sevdiyi qızın ürəyinə yol tapmağı öyrədir, Çiro isə utancaq Tommazoya öz gözəl anası Deboranın diqqətini cəlb etməkdə kömək etməyi üzərinə götürür.

«Troppo napoletano» adlı italyan komediyası rejissor Canluka Ansanelli tərəfindən lentə alınıb. 2016-cı il istehsalı olan bu filmdə baş rolları Serena Rossi, Salvatore Mistikone, Antonella Lori və Eleonora Albrext canlandırırlar.