Səfeh

Pyer anasının xahişi və tövsiyəsi sayəsində «Jeriko» adlı böyük reklam agentliyində aparıcı vəzifəyə işə düzəlir. O, dayanmadan ağlasığmaz və qəribə reklam təklifləri irəli sürür. Onun müştərilərə yanaşması şirkətin bütün ənənəvi iş sistemini alt-üst etsə də, bu layihələr gözlənilmədən böyük gəlir gətirməyə başlayır.

Lakin Pyerin hədsiz dərəcədə huşsuz və pərakəndə olması hər addımda komik hadisələrə yol açır. Onun dağınıqlığı müdirinə saysız-hesabsız problemlər yaratsa da, rəhbər bu vəziyyətə dözməyə məcburdur, çünki işçisinin anasına gizli sevgi bəsləyir.

1970-ci ildə Fransada istehsal olunmuş «Səfeh» (Le distrait) komediya filminin rejissoru Pyer Rişardır. Əsas rollarda həmçinin Raul Delfoz, Pol Prebua, Lui Navarr və Mari-Kristin Barro çəkiliblər.