Everything Fun You Could Possibly Do in Aledo, Illinois

Otuz illik ayrılıqdan sonra iki uşaqlıq rəfiqəsi məzunlar görüşündə iştirak etmək üçün İllinoys ştatının Aledo şəhərciyinə qayıdır. Məktəb albomunu vərəqləyərkən qəhrəmanlar buraxılış sinfində yazdıqları və çoxdan unutduqları çılğın arzular siyahısını aşkar edirlər. Qadınlar itirilmiş vaxtın əvəzini çıxmaq qərarına gələrək keçmiş planları həyata keçirməyə başlayırlar.

İctimai hovuzda paltarsız çimməkdən tutmuş mağazadan xırda oğurluğa qədər bir çox dəcəllik onların hədəfinə çevrilir. Balaca şəhərdə törədilən bu gözlənilməz hərəkətlər yerli sakinlər arasında dərhal səs-küy yaradır. Qayda pozucularının izinə düşən yerli yöndəmsiz şerif isə nəyin bahasına olursa-olsun onları cinayət başında yaxalamağı qarşısına məqsəd qoyur.

Everything Fun You Could Possibly Do in Aledo, Illinois komediya filminin rejissoru Betani Berqdir. ABŞ istehsalı olan bu kinoda baş rolları Syuzi Boqqass, Edvard Heffernan, Con Mossman və Sara Sevinyi ifa ediblər.