El fantasma de mi mujer

Fernando həyat yoldaşı Maria ilə sakit ailə həyatı sürsə də, gizlincə Xuliya adlı başqa bir qadınla görüşür. Bir gecə sevgilisindən gələn təşviş dolu zəng hər şeyi alt-üst edir. Xuliya maşınla təsadüfən Marianı vurduğunu bildirir və cəsəddən yaxa qurtarmaq üçün Fernandodan təcili kömək istəyir.

Cinayəti gizlətməyə çalışan kişi polisə yalan danışaraq arvadının onu tərk edib getdiyini söyləyir. Lakin az sonra Fernando həlak olduğu düşünülən Mariadan gözlənilməz zəng alır. Həmin andan etibarən o, hər yerdə arvadının səsini eşitməyə və onun xəyalını görməyə başlayır.

2026-cı il istehsalı olan «El fantasma de mi mujer» komediya filminin rejissoru Maria Ripolldur. Ekran əsərində baş rolları Makarena Qomes, Karlos Visente, Mariya Ervas və Xavyer Rey canlandırıblar.