The Man with Glasses

Həlim Raeqan şəhər parkındakı ictimai ayaqyolunda təmizləyici işləyirdi. Ziyarətçilərdən pul aldığı üçün işdən çıxarılan Həlim səs-küylü etiraz aksiyası keçirir. Hadisənin sosial şəbəkələrdə sürətlə yayılması çox keçmədən polisin diqqətini çəkir və o, nəzarətə alınır.

Həbsxanada bəlli olur ki, məsələ heç də parkdakı qanunsuzluqla bağlı deyil. Həlim xarici görünüşcə Pentaqonun axtarışa verdiyi və başına böyük məbləğdə mükafat qoyduğu «Qurd» ləqəbli beynəlxalq terrorçuya olduqca bənzəyir. Bu qarışıqlıq adi bir insanın həyatını təqiblərlə dolu təhlükəli macəralara çevirir.

2025-ci il istehsalı olan «The Man with Glasses» filminin rejissor kürsüsünü Mohammad Davoodi Kia və Karim Mohammad Amini bölüşür. Komediya janrındakı ekran əsərində baş rolları Mehdi Hashemi, Hafez Asgari və Mohammad Reza Chalangar canlandırır.