N'importe qui

Avropanın məşhur internet komiki Remi Qayar çılğın zarafatları ilə onlayn məkanda milyonlarla izləyici və böyük baxış sayı qazanıb. Günlərin bir günü o, sakit həyata başlamaq qərarına gəlir: evlənir, avtodayanacaqda işə düzəlir və hamilə xanımına təxribat dolu videolar çəkməyəcəyinə söz verir.

Lakin gündəlik rutin həyat və daxili yaradıcılıq potensialı Remiyə rahatlıq vermir. İdeyalarını boğmaq getdikcə çətinləşir, pərəstişkarları isə onun gedişi ilə razılaşmaq istəmir. Nəticədə komik verdiyi sözü unudaraq yenidən sevimli məşğuliyyətinə qayıdır.

«N'importe qui» komediya filmi 2014-cü ildə Fransada lentə alınıb. Layihənin rejissoru Rafael Fridmandır, əsas rolları isə Perle Palombe, Alban İvanov, Vincent Steinebach və Yann Decamps canlandırıb.