Subay ana

Polli Perriş «Merlin» universal mağazasının uşaq şöbəsində satıcı işləyir. Yeni il ərəfəsində o, mağazanın bağlanması səbəbindən işdən çıxarılacağı barədə xəbərdarlıq alır. Kədərli halda evə qayıdan gənc qadın yetimxananın kandarında bir qadının yenicə doğulmuş körpəni qoyub getdiyini görür. Polli onu fikrindən daşındırmağa çalışsa da, ana oradan uzaqlaşır.

Körpəni soyuqda qoya bilməyən rəhmdil qız uşağı qucağına götürür. Məhz bu andan etibarən ətrafdakılar körpənin anasının Polli olduğunu düşünməyə başlayırlar. O, həm atılmış uşağın qayğısına qalmaq, həm də hamını körpənin anası olmadığına inandırmaq məcburiyyətində qalır.

ABŞ istehsalı olan «Bachelor Mother» filmi 1939-cu ildə rejissor Qarson Kanin tərəfindən çəkilib. Komediya və melodrama janrında olan filmin baş rollarında Cincer Rocers, Devid Niven, R. Feldman və Dik Krokett yer alıb.