Romada yay

İtaliyanı çox sevən almaniyalı jurnalist Mikael ailəsini tətil üçün Romaya aparmaq qərarına gəlir. Lakin onun bu həvəsini evdə heç kim bölüşmür. Həyat yoldaşı bu səfərə şübhə ilə yanaşır, qızı isə sevgilisindən ayrı düşdüyü üçün ümumiyyətlə heç yerə getmək istəmir.

İtaliya paytaxtına çatdıqdan sonra ailə çoxsaylı səyahət macəraları və gözlənilməz vəziyyətlərlə üzləşir. Şəhərdə qarşılaşdıqları yardımsevər insanların köməyi sayəsində ailə üzvlərinin ölkəyə və onun paytaxtına olan baxışı tədricən yaxşılığa doğru dəyişir.

«Romada yay» (Sommer in Rom) komediya filmini rejissor Stefan Mayer çəkib. Almaniya istehsalı olan ekran işi 2013-cü ildə işıq üzü görüb. Baş rolları Udo Tis, Tomas Hayntse, İrina Vrona və Anna Yuliya Kapfelşperger canlandırıblar.