Țăndări

Rumıniyanın qonşu Movilitsa və Tsendereşt icmaları gözlənilməz maliyyə çətinliyi ilə üzləşir: hökumət onların illik büdcə sorğusunun yalnız yarısını təmin edir. Movilitsanın meri turistləri cəlb etmək və yenidən seçilmək üçün əyləncə parkı tikmək niyyətindədir. Ayrılan vəsait layihə üçün yetərsiz olduğundan tərəflər qeyri-adi bir razılaşmaya gəlirlər.

İki kəndin rəhbərləri bütün büdcəni yerli komandaların üz-üzə gələcəyi futbol matçının nəticəsinə qoyurlar. Qalib tərəf bütün məbləği götürərək öz planlarını həyata keçirəcək, məğlub isə əliboş qalacaq. Qarşılaşmaya hazırlaşan sakinlərin məşqləri rəqibi sıradan çıxarmaq üçün qurulan təxribat planları ilə müşayiət olunur.

«Țăndări» komediya filminin quruluşçu rejissorları Boqdan Naumoviçi və Dan Badeadır. 2025-ci il istehsalı olan bu kinoda baş rolları Konstantin Floresku, Adriana Aldea, Alin Aronoviçi və Ketelin Nyamtsu canlandırıblar.