Hamı Merinin vurğunudur

Ted hələ gənclik illərindən bəri daima yöndəmsiz vəziyyətlərə düşən, hədsiz qorxaq biridir. İllər öncə onun bəxti gətirmiş və Meri adlı qızla tanış olaraq məktəb məclisinə dəvət almışdı. Lakin düz görüş ərəfəsində şalvarın zəncirbəndi ilə bağlı baş verən gözlənilməz hadisə onların münasibətinə son qoymuşdu.

Aradan on üç il keçsə də, Ted xəyallarındakı qadını unuda bilmir. O, Merini tapmaq məqsədilə Pet adlı xüsusi xəfiyyə tutur. Lakin Merinin təbii cazibəsi ətrafdakı bütün kişiləri valeh edir və hər kəs onun diqqətini çəkmək üçün amansız rəqabətə başlayır.

«Hamı Merinin vurğunudur» (There's Something About Mary) filmi 1998-ci ildə ABŞ-da istehsal olunub və komediya janrındadır. Ekran əsərinin rejissorları Bobbi və Piter Farrellidir. Əsas obrazları Villi Qarson, Kit Devid, Kris Elliot və Ceffri Tembor canlandırıblar.