Çünki mən belə istəyirəm

Eylin üç qız anasıdır və böyük övladları artıq ailə qursa da, ən kiçiyi olan Millinin şəxsi həyatı heç cür düzəlmir. Gənc qadının münasibətlərdə bəxti gətirmədiyini görən ana məsələni öz üzərinə götürür. O, qızından xəbərsiz qəzetdə tanışlıq elanı verərək namizədləri şəxsən sınaqdan keçirməyə başlayır.

Eylin qızı üçün yaraşıqlı Ceysonu ən yaxşı namizəd hesab edir. Lakin elana sakit təbiətli müəllim Conni də cavab verir və bu şəxs ananın xoşuna gəlmir. Milli isə hər şeyi daha da qəlizləşdirərək hər iki kişi ilə eyni vaxtda görüşməyə qərar verir.

2006-cı il istehsalı olan «Çünki mən belə istəyirəm» adlı ABŞ melodramının rejissoru Maykl Lemanndır. Filmin baş rollarında Dayan Kiton, Mendi Mur, Qebriel Maxt və Tom Everett Skott çəkiliblər.