Gözəlçə

Yuxarı sinif şagirdi Momo Adatinin xarici görünüşü ətrafdakıları tez-tez çaşdırır: onu üsyankar sansalar da, əslində o, son dərəcə saf və mehriban biridir. Hələ orta məktəb illərindən bəri qız sinif yoldaşı Tociyə qarşı gizli hisslər bəsləyir. Lakin bu duyğuları etiraf etmək onun üçün heç də asan deyil.

Məktəbin ən məşhur oğlanı Kairi Okayasunun Momoya maraq göstərməsi işləri daha da qarışdırır. Üstəlik, qızın ən yaxın dostu Sae onu Tocidən qısqanır və onların yaxınlaşmasına hər vəchlə mane olmağa çalışır. Çətin bir düyünlə üz-üzə qalan Momo münasibətləri qaydasına salmaq üçün qətiyyətli bir addım atmalı olur.

«Pichi garu» adlı bu yapon filmi komediya və melodram elementlərini özündə birləşdirir. Ekran əsərinin rejissoru Koci Sintokudur. Əsas obrazları Mei Nagano, Mizuki Yamamoto, Mackenyu və Kei Inoo canlandırıblar. Ekran işi 2017-ci ildə nümayiş olunub.