Qurd qız və qara şahzadə

Erika sinif yoldaşlarından geri qalmamaq üçün heç vaxt sevgilisi olmadığı halda münasibətdə olduğunu iddia edir. Rəfiqələri onun yalan danışdığını anlamağa başlayanda, qız sübut kimi küçədə gördüyü tanımadığı bir oğlanın şəklini çəkir. O, hər kəsi həmin yaraşıqlı gənclə görüşdüyünə inandırmağa çalışır.

Lakin təsadüfən fotosunu çəkdiyi Kyota Sata adlı bu gənc onların məktəbinə, paralel sinfə köçürülür. Çox keçmədən məktəbin ulduzuna çevrilən Kyotanın qarşısında Erika vəziyyəti etiraf etməli və yalanına şərik çıxmasını xahiş edir. Şahzadə ləqəbli oğlan razılaşır, amma bunun qarşılığında öz şərtini irəli sürür.

Rejissor Ryuichi Hiroki tərəfindən çəkilən «Okami shojo to kuro oji» filmi 2016-cı ildə Yaponiyada istehsal olunub. Bu romantik komediyada baş rolları Fumi Nikaido, Kento Yamazaki, Elaiza Ikeda və Yuki Yamada canlandırıblar.