6/45

Təsadüfən Cənubi Koreyanın sərhəd zastavasına düşən lotereya bileti əsgər Pak Çon-unun əlinə keçir. Çox keçmədən bəlli olur ki, bu bilet böyük cekpot qazanıb. Tərxis olunacağı günü səbirsizliklə gözləyən gəncin sevinci uzun çəkmir, çünki güclü külək həmin bileti birbaşa Şimali Koreya tərəfinə uçurur.

Kağızı tapan şimali koreyalı hərbçi Ri Yon-ho uduşu təkbaşına nağdlaşdıra bilmir. Çon-u neytral zonaya keçərək onunla razılığa gəlməyə çalışır. Məsələdən hər iki tərəfin komandirləri xəbər tutduqda isə danışıqlar qəribə məcraya yönəlir: uduşun ədalətli bölünməsinə zəmanət kimi hərbçilər müvəqqəti olaraq xidmət yerlərini dəyişməli olurlar.

2022-ci il istehsalı olan «6/45» komediya filminin rejissoru Pak Kü-tedir. Cənubi Koreya istehsalı olan bu ekran işində əsas rolları Ko Gyon-pyo, Çhve Von, Li Don-qi və Yun Byon-hi canlandırıb.