Hollivud sonluğu

Vaxtilə iki «Oskar» mükafatı qazanmış rejissor Vel Vaksman uzun illərdir unudulub və yalnız reklam çarxları çəkməklə dolanır. Gözlənilmədən böyük bir kinostudiya ona irimiqyaslı layihə həvalə etmək qərarına gəlir. Bu təklif baş qəhrəman üçün böyük kinoya qayıtmaq və özünü yenidən sübut etmək baxımından əsl şans olur.

Lakin çəkiliş ərəfəsində keçirdiyi güclü gərginlik səbəbindən rejissor qəfil isterik korluqla üzləşir. Şansını əldən vermək istəməyən Vel xəstəliyini prodüserlərdən gizlədərək filmi kor vəziyyətdə tamamlamaq qərarı verir. Nəticədə o, ətrafdakılara heç nə hiss etdirməmək üçün sadiq dostlarının köməyinə arxalanmalı olur.

ABŞ istehsalı olan «Hollivud sonluğu» komediya filmi 2002-ci ildə nümayiş olunub. Ekran əsərinin rejissoru və baş rol ifaçısı Vudi Allendir, digər rollarda isə Tea Leoni, Corc Hemilton və Debra Messinq çəkiliblər.