Sarışının qisası

Jurnalist Jerar Brea məşhur kommersiya telekanalında axşam xəbərlərinin aparıcısı kimi işə başlayır və tez bir zamanda uğur qazanır. Karyeradakı bu yüksəlişə rəhbəri Mari-Anj De Lya Bom ilə olan gizli münasibətləri də təkan verir. Verilişin reytinqləri sürətlə artaraq rekord həddə çatır.

Lakin Jerarın həyat yoldaşı Korin bu xəyanətdən xəbər tutanda ailədə gərginlik yaranır. Üstəlik, müdirinin təkidi ilə soyğunçu dəstənin fəaliyyətini araşdıran aparıcı cinayətkarların hədəfinə çevrilir. Quldurlar jurnalisti və ailəsini təhdid etsələr də, Mari-Anj axşam efirinə böyük baxış sayı gətirən mövzudan vaz keçmək istəmir.

1994-cü ildə Fransada istehsal olunan «La vengeance d'une blonde» komediya filminin quruluşçu rejissoru Janno Şvartsdir. Əsas rolları Mari-Ann Şazel, Moris Lami, Lyuba Qerçikoff və Mark De Yonge canlandırıblar.