Gərək Yunanıstana gedərdik

«On aurait dû aller en Grèce» komediya filmi hər yay tətilini Yunanıstanda keçirməyə vərdiş etmiş Russlo ailəsindən bəhs edir. Lakin bu dəfə ailə başçısı Kristianın ciddi maliyyə problemləri planları dəyişməyə məcbur edir. Heç nəyi büruzə verməmək üçün onlar Korsikada tanışlarının sadə villasına yollanırlar.

İstirahət ən başdan uğursuz görünsə də, əsl çətinliklər hələ qabaqdadır. Məlum olur ki, evin əsl sahibinin yerli sakinlərlə çoxlu düşmənçiliyi var. Nəticədə dincəlməyə gələn ailə üzvləri özlərindən asılı olmayaraq yad bir münaqişənin ortasına düşürlər.

Ekran əsərinin rejissoru Nikola Benamudur. Baş rollarda Jan-Kristof Federiççi, Fabris Morakkini, Aleksandr Feno və Alfredo Bautista çəkiliblər. Fransa istehsalı olan bu komediya 2024-cü ildə nümayiş olunub.