Ek Ladka Ek Ladki

Kənddə yaşayan Raca Bombeyin səs-küyündən uzaq fermada valideynlərini qəzada itirmiş üç bacısı-qardaşı uşağını böyüdür. Həddindən artıq qayğı səbəbindən Dabbu, Motu və Çhoti olduqca dəcəl və ərköyün böyüyürlər. Bu zaman Amerikadan qayıdan varlı Renu valideynlərindən qalan mülk hüquqlarını rəsmiləşdirmək istəyir. Var-dövləti qumarda itirən əmisi Bhaqavati Prasad fırıldağının üstü açılmasın deyə qıza sui-qəsd hazırlayır və qayığını sıradan çıxarır.

Balıqçılar tərəfindən xilas edilən Renu yaddaşını tamamilə itirir. Polis məntəqəsinə aparılan qız şıltaqlıqları ilə hər kəsi bezdirir. Vaxtilə onun ucbatından gecəni təcridxanada keçirən Raca qisas almaq qərarına gəlir. O, yaddaşsız Renunun guya öz arvadı olduğunu bildirərək onu özünün və nadinc uşaqlarının yanına aparır.

Hindistan istehsalı olan «Ek Ladka Ek Ladki» melodramatik komediya filmi 1992-ci ildə ekranlara çıxıb. Ekran əsərinin rejissoru Vicay Sadanadır. Əsas rolları Caved Xan, Aşrani, Səlim Xan Ding-Dong və Viki canlandırıblar.