Rocky El Ghalaba

Döyüş sənətləri və boks üzrə bacarıqlara sahib olan Rokiyya adlı gənc qız Rocky ləqəbi ilə tanınır. İdman təcrübəsindən istifadə edən qəhrəman şəxsi cangüdən kimi fəaliyyətə başlayır. Onun ilk müştərisi isə qorunmağa ehtiyacı olan alim və iş adamı doktor Sabit olur.

Beynəlxalq cinayətkar şəbəkə alimin mühüm layihəsini ələ keçirmək və onu aradan qaldırmaq istədikdə vəziyyət qəlizləşir. Rocky himayəsindəki alimi qorumaq məcburiyyətində qalır. Bu təhlükəli qarşıdurma qəhrəmanları bir-birinin ardınca gülməli və qeyri-adi hadisələrin içinə sürükləyir.

2025-ci il istehsalı olan «Rocky El Ghalaba» komediya filminin rejissoru Əhməd Əl-Gəndidir. Misir istehsalı olan bu ekran əsərində baş rolları Donia Samir Qanem, Məhəmməd Mamduh, Ahmed Essam El Sayed və Məhəmməd Radvan canlandırıblar.