Mimics

Sem Raynhold səhnəyə çıxıb parodiyaçı kimi tanınmağa çalışsa da, hələlik yalnız ərzaq mağazasındakı işi ilə kifayətlənməli olur. Uğur qazanmaq cəhdləri boşa çıxan gənc nəhayət məşhurlaşmaq ümidi ilə qeyri-adi bir agentliklə müqavilə imzalayır.

Razılaşmaya əsasən, ona Fergus adlı ventriloqvist gəlincik verilir. Tezliklə aydın olur ki, bu gəlincik canlıdır və istənilən insan səsini qüsursuz şəkildə təqlid edə bilir. Birgə çıxışlar Semə çoxdankı şöhrəti gətirsə də, qazanılan populyarlıqla bərabər həyatına təhlükəli və qorxulu hadisələr daxil olur.

ABŞ istehsalı olan 2025-ci il filmi «Mimics» komediya, melodrama və qorxu janrlarını birləşdirir. Ekran əsərinin rejissoru Kristoffer Polahadır, əsas rolları isə Kenneth Anglemire, Marc Oakley, Megan Tingle və David Gamble Jr. canlandırıb.