Dərin kəsik

Sonuncu filminin uğursuzluğu rejissor Eybli dərin sarsıntıya salır və onu depressiyaya sürükləyir. Özünə gəlməyə çalışan rejissor striptiz-klubda Gigi adlı rəqqasə ilə tanış olub onu evinə aparır. Lakin yolda gözlənilməz qəza baş verir və qadın həyatını itirir. Çıxılmaz vəziyyətdə qalan Eybli meyiti yeni qorxu filminin çəkilişləri üçün rekvizit kimi istifadə etmək qərarına gəlir.

Bu dəhşətli ideya həmkarları tərəfindən böyük maraqla qarşılanır və ona çoxdan gözlədiyi uğuru gətirir. Nəticədən ruhlanan rejissor layihəsini davam etdirmək üçün daha çox insan bədəninə ehtiyacı olduğunu düşünür və yeni axtarışlara başlayır.

2009-cu il istehsalı olan «Smash Cut» qorxu-komediya filmi Kanadada çəkilib. Ekran əsərinin rejissoru Li Demarbre, baş rol ifaçıları isə Maykl Berriman, Saşa Qrey, Keti Loqan və Mersedes Papaliadır.