Axmaqlar günü

Kollec tələbəsi Maffi bir qrup dostunu valideynlərinin kimsəsiz adadakı malikanəsinə qonaq çağırır. Şən zarafatlar günü münasibətilə təşkil olunan bu səfərin gənclər üçün sonuncu dəvətə çevrilə biləcəyini isə ev sahibi heç kimə demir.

Adada məskunlaşan dostlar tezliklə təhlükə ilə üzləşirlər. Zərərsiz 1 Aprel zarafatları qan tökülməsinə yol açır və kimsə dəvət olunanların sayını azaltmağa başlayır. Qonaqlar bir-bir yoxa çıxdıqca sağ qalmaq uğrunda amansız bir mübarizə başlayır.

«April Fool's Day» filmi 1986-cı ildə ABŞ və Kanadanın birgə istehsalı kimi ekranlara çıxıb və qorxu ilə komediya janrlarını birləşdirir. Layihənin rejissoru Fred Uoltondur, baş rollarda isə Debora Formen, Qriffin O’Nil, Mayk Nomad və Ken Olandt çəkiliblər.