İlahə

Elzbet Dikkens ev işləri ilə məşğul olur və əkiz uşaqlarını böyüdür. Həyat yoldaşı Ceyms isə «Greenpeace» təşkilatında çalışdığı üçün balinaları və digər dəniz canlılarını xilas etmək naminə günlərlə evdən uzaq qalır. Aralarındakı əlaqəni qorumaq məqsədilə Ceyms evə veb-kamera quraşdırır. Bir gün Elzbet kameranın qarşısında mahnı oxuyur, lakin görüntünün internetə yayımlandığından xəbərsiz olur və səhəri gün məşhurlaşmış oyanır.

Çox keçmədən nüfuzlu bir reklam agentliyi ona əməkdaşlıq təklif edir. Əkizləri dayəyə tapşıran qadın paytaxta yollanır və burada onun qarşısında beynəlxalq müqavilə imkanları açılır. Cazibədar paytaxt mühiti yeni sınaqlar gətirir: Elzbet şöhrət ilə daima səfərlərdə olan ərinin sevgisi arasında seçim etməli olur.

Avstraliya istehsalı olan «Goddess» musiqili komediya filmi 2012-ci ildə rejissor Mark Lamprell tərəfindən çəkilib. Baş rolları Lora Mişel Kelli, Dastin Kler, Uolter Kennard və Şon MakFerran canlandırıblar.