Analar günü

Kollec illərindən bəri yaxın olan üç rəfiqə təhsillərini başa vurduqdan on il sonra da ünsiyyətlərini kəsmirlər. Birlikdə vaxt keçirmək üçün qızlar həftəsonu meşəlik əraziyə səfər etmək qərarına gəlirlər.

Kimsəsiz meşədə onlar yaşlı bir qadınla qarşılaşırlar və qadın onları öz evinə dəvət edir. Həmin evdə qadının iki oğlu da yaşayır. Qonaqlar tezliklə bu ailədə qəribə və təhlükəli vəziyyətin hökm sürdüyünü anlamağa başlayırlar.

1980-ci ildə ABŞ-da istehsal olunmuş «Mother's Day» qorxu, triller və komediya filminin rejissoru Çarlz Kaufmandır. Əsas rolları Ed Bettl, Stenli Kaufman, Piter Foks və Çarlz Kaufman canlandırıblar.