Sevgi Dolu Psixopatlar

Strip-klub sahibi Co ilə manikür ustası Keytin tanışlığı tezliklə səmimi bir sevgiyə çevrilir. Bu cütlüyü birləşdirən əsas cəhət isə hər ikisinin qaranlıq bir sirrə sahib olmasıdır. Belə ki, onların hər ikisi boş vaxtlarında öz müştərilərini amansızcasına öldürməklə məşğuldur.

Bir-birini tapan bu qəribə cütlük qanlı fəaliyyətlərini birlikdə davam etdirməyə başlayır və ailə qurur. Onların bu sakit və qeyri-adi birgə həyatı evlərinə kannibalizm meyli olan bir santexnikin gəlişi ilə tamamilə dəyişir.

ABŞ istehsalı olan «Sevgi Dolu Psixopatlar» (Psychos in Love) qorxu və komediya filmi 1986-cı ildə rejissor Qorman Beçard tərəfindən ekranlaşdırılıb. Əsas rollarda Cerri Rekou, İrma Sent Pol, Patti Çembers və Maykl Sitriniti çəkiliblər.