Əks cins və onunla necə yaşamalı

Devid və İlay uzun illərdir dostluq edir, sərbəst həyatı və subaylığı hər şeydən üstün tuturlar. Kərri və Zoi ilə tanışlıq isə onların bu yanaşmasını dərhal sınağa çəkir. Gənc oğlanlar qarşılaşdıqları bu qadınlara qarşı ciddi hisslər keçirməyə başlayırlar.

Qızların diqqətini çəkmək üçün atılan adi addımlar heç bir fayda vermir. Çünki onlar qısamüddətli münasibətlərə və ötəri həvəslərə qətiyyən maraq göstərmirlər. Dostlar istədiklərinə çatmaq üçün yeganə çıxış yolu kimi evlilik barədə düşünmək məcburiyyətində qalırlar.

«The Opposite Sex and How to Live with Them» adlı bu romantik komediya filmi 1992-ci ildə ABŞ-da çəkilib. Ekran işinin rejissoru Metyu Meşekoffdur. Əsas rolları Tess Foltin, Devid DeKastro, Donald Braun və Kreyq Alan Edvards canlandırıblar.