Qanlı qəlyanaltı

Şəhərin ən sevimli və izdihamlı yeməkxanasında müştərilərə sanki evdə hazırlanmış kimi ləziz təamlar təqdim olunur. Lakin bu yeməklərin əsas inqrediyentləri məkana daxil olan insanlardır. Mətbəxin növbəti qurbanları sırasına gənc qızlar və yerli polis rəisinin doğma qızı da düşür.

Yeməkxananı idarə edən adamyeyən Namtut qardaşları qorxunc bir məqsəd güdürlər. Onlar insanları qurban verməklə uzaq ölçüdən qan və şəhvət ilahəsi sayılan Şitarı çağırmağa və onu bu dünyaya gətirməyə çalışırlar.

"Blood Diner" adlı qorxu-komediya filmi 1987-ci ildə ABŞ-də ekranlara çıxıb. Rejissoru Ceki Konq olan lentdə əsas rolları Erik Uilyams, Stiv Donmayer, Sör Lamont Rodhiver və Bonni Breqidan canlandırıblar.