Qəssabxana

Köhnə və fəaliyyət göstərməyən qəssabxananın sahibi Lester Beykon mülkünü satmaqdan qəti şəkildə imtina edir. İş adamlarının təzyiqləri və yerli şerifin gəlişi də qocanı fikrindən döndərə bilmir. Təngə gələn Lester donuzlarla birlikdə yaşayan, danışa bilməyən və onların hərəkətlərini təqlid edərək xoruldayan ruhi xəstə oğlunu gələnlərin üstünə qısqırdır.

Eyni vaxtda bir qrup gənc yadplanetlilərin hücumu haqqında film çəkmək qərarına gəlir. Məqsədlərini həyata keçirmək üçün qaranlıq məkana ehtiyac duyan həvəskar komanda həmin tərk edilmiş qəssabxananın ərazisinə gizlicə daxil olur. Lakin çəkiliş meydançasında onları xoruldayan təhlükəli qatil gözləyir.

1987-ci ildə ABŞ-da istehsal olunmuş «Qəssabxana» filmi qorxu və komediya janrlarını birləşdirir. Ekran əsərinin rejissoru Rik Rosslerdir, əsas rolları isə Deyv Foqel, Ceff Qrossi, Henk Qam və Tom Normand canlandırıblar.