Əzələli Şaxta Baba

Qəribə vərdişləri olan varlı və cüssəli Torn dostları ilə birgə şəhərdə hərbi geyimdə qaçaraq boya silahları ilə polisləri qorxudur. Zarafatlardan təngə gələn asayiş keşikçiləri onun arxasınca düşür və qaçan zəngini ticarət mərkəzində sıxışdırırlar. Təqibdən yaxa qurtarmaq istəyən Torn orada dərhal Şaxta Baba libasını əyninə keçirir.

Gözlənilmədən o, həqiqətən də möcüzələr yaradan sehirli qocaya çevrildiyinə inanmağa başlayır. Tezliklə güclü qəhrəmana xeyirxahlıq göstərmək üçün real səbəb yaranır. Şər niyyətli Frost yerli uşaqlar evini bağlamaq istəyir və yeni Şaxta Baba yetimləri qorumaq üçün bütün gücünü işə salmalı olur.

ABŞ istehsalı olan «Santa with Muscles» komediya filmi rejissor Con Marlovski tərəfindən lentə alınıb. 1996-cı ildə yayımlanan ekran əsərində Stiv Valentayn, Uilyam Nyuman, Qarret Morris və Robin Körtis kimi aktyorlar çəkiliblər.